Qeneral Bağıri: Sepah təşkiloti dıyo ğıvvə çı zumandəti iyən iğtidori oxonə həddədəy

İron İslam Respublika həmmə silohinə ğıvvon ğərorqoh yol votışe: İslomiyə İnğilobi Sepah təşkiloti dıyo ğıvvə, dıroz məsofə iyən dəğiğə rəketon, mina noey, dronon co muxtəlif mıslış nıbıə zumandə təchizoton soybe.

Bə İrna raporti əsos, İroni cəubi Boşehrədə, jurnaliston cəmədə, İslomiyə inğilobi Sepah Təşkiloti dıyo ğıvvə 2minnə məntəğə mudafiə zumandətionku vindemoni knoədə, İron İslam Respublika həmmə silohinə ğıvvon ğərorqoh yol Qeneral Muhəmməd Bağıri əlovəş karde: İslomiyə İnğilobi Sepah təşkiloti dıyo ğıvvə de muğəddəsə mudafiə erjinə təcrubəku istifodə kardey və de təcavuzkorə Amerkə   mubarizə kardey vositə, karde zınəşone vey çok Fars korfezi əmniyyət iyən Hormozi tanqə təmin ko və har ruj, ım hozzoəti, zumandəti və mudafiə ğudrət hevuj bey holədəy.

Qeneral Bağıri ijən bəyonış karde ki de ım vucud ki canqi jiədə bıə ovon keyfiyət iyən mığdor, rəket ğandə və mina ekardə sistem və co qılə muxtəlifə jiədə bıə ovon iyən canqi əbzoron, de dəvardəku muğaisə kardənin ni. əv ijən təkidış karde: ımrujə əqə Fars Korfez, platforma, cəzirəon iyən sahilonədə deşmonon bə İron İslom Respublika imkanaton iyən mənafeon niyyət iyən hədəfış bıbu, zıneydən ki de İslomiyə İnğilobi Sepah Təşkiloti dıyo ğəhrəmonəti ğıvvə dim bə dim bəben.

İslomiyə İnğilobi Sepah təşkiloti dıyo ğıvvə Qeneral Muhəmməd Bağıri İslomiyə inğilobi Sepah Təşkiloti dıyo ğıvvə 2minnə məntəğə mudafiə zumandətionku  iyən İron İslom Respublika ərtışi həvoiyə ğıvvə Şekari nomo bıə 6minnə bazaku vindemoniro bə İroni cənub, Boşehr şəhri səfərış karde.