Kə iyən ictimaiyyətədə çe jenon məğomi oqətey,İron İslom Respublika prezidenti təkid
İron İslom Respublika prezident kə iyən ictimaədə bə jenon vırə oqətey təkidış karde.
Bə Tele-Rədio aqentiyəti raporti əsos, zinə cımə rujədə, İroni mərkəz Yəzd şəhrədə və Həzrəte Fatiməye Zəhra(s) milod ruji idə mərosimədə, İron İslom Respublika prezident, Sed İbreym Rəyisi bəyonış karde jeni barədə, İslomi Respublika diyə de ğərbi kişvəron diyə tafotış heste, və çəvon diyə bə jen bənə məhsul iyən cahiliyət diyəe ki jenon bə kəno şey mənodəy. Ayətullah Rəyisi ijən əlovəş karde: jen qıləy komilə inson bə hisob omeydə ki karde bəzne, fiki, əxloği iyən əməli həmmə baxşonədə roli ifo ko, və ailə iyən hırdənon prosniyero qıləy təsirinə şəxs bıbu.
Rəyisi ijən təkidış karde: İron İslom Respublika, jeni həxədə, ğərbi diyəğəbul nıko iyən etığadış heste ki bə xanımon, bənə məsrəfi məhsul diyə kardey botile.
İron İslom Respublika Prezident ijən bə İroni jenonku ğərbi ğeyzini işorəş karde iyən votışe: ğərbion ım ki jeni barədə İron İslom Respublika ulqo iyən simvol de çəvon ulqo farğ kardedə, və İroni jenon deştə hicob iyən həyo oqətey vositə, xususi siyasi baxşonədə rol ifo kon, vey tarsedən.
Rəyisi ijən bəyonış karde: kişvəroni ki jenon zindoni kardeyədə stajışone, çoknə karde bəznen bə ım jenon jimon bıdən, əv ijən əlovəş karde: ımruj həmonə kəson ki jenonro jimoni iddioşon heste, bə rəsmi statestikaon əsos, miyonə surətədə, har 10 ruj 1 nəfər jen de şəvon polisi vositə kıştə bəbe.
İron İslom Respublika prezident ijən təkidış karde ki ğərbi kişvəron pidəşone jenonku jimoni bıqəton, əv ijən votışe :28 haftə mıddətədə, 81 jen de Britaniya polisi vositə kıştə bıən və jıqo kişvər pidəşe bə jenon jimon bədoy.
