Şələmçə sərhəddiku 71 qılə tojə peydo bıə şəhidi bə İron varid bıən
Muğəddəsə mudafiyə dıvraniku 71 qılə şəhidi pokə tojə peydo bıə bədən Xuzıstan ostani Şələmçə sərhəddiku bə İron varid bıə.
Bə İRİB raporti əsos, beheştiku ın musafiron pokə bədən çand sor vətəniku diyəro bey bəpeşt de İronıjon vəbeşe iyən nuri musafiron mehmondorəti bə İron varid bin.
Bə İroni silohinə ğıvvon mərkəzi ğərorqoh qim bıə kəson kamissiya rəis Seyd Muhəmməd Bağırzodə elani əsos, ln şəhidon Vəlfəci muğəddəmə, Vəlfəcr 1, Xeybər, Bədr, Kərbəlaye 5 iyən canqi oxonə rujonədə bıə dışmoni həmləon cərəyonədə çı diclə və furati ətrof iyən cənub məntəğəonədə bıə əməliyoti vırəonku tojədən peydo bin.
Bə İroni silohinə ğıvvon mərkəzi ğərorqoh qim bıə kəson kamissiya rəis əlovəş karde: şəhidon pokə bədəni peydo karde oxonə əməliyotədə 73 qılə peydo bıə şəhidonku 69 nəfri bədən çı İraği məntəğəon ku peydo bıə.
