İslamiyə mığovimət şəhidon ailəon iclos ımruj Məşhədədə bərpo be.

İroni Rəzəvi Xorasan ostani şəhid və conbozon təşkilati umumi rabitəon məsul votışe: Məşhəd ımruj Livan islamiyə mığovimət məşhurə şəhidon ijən 7 qılə islamiyə kişvəronku bəzi şəhidon ailəon kəxıvande və qıləy iclosi de çəvon iştiroki bə ico bərpo kardəy.

Məhdi Turiyan bə İrna aqentiyəti votışe: Hizbullah mığovimətiyə qrupi navnə rəis şəhid Seyd Əbbas Musəvi iyən çın qrupi qıləy məşhurə ruhaniyə lideronku şəhid Rağeb Hərbi ailəon islam dınyo şəhidon beynəl xalğiyə iclosi mərasimonədə iştirak peydo kardero bə Məşhəd omən.

Turiyan çı Livani Hizbullah qıləy ali fərmondəon şəhid İmad Muğniyə ailəon uzvon bə Məşhəd səfər kardeku həm xəbəş do ijən votışe: Bosniya və Herseqoviniya kişvəriku həm çandə şəhidonku ailəon bə Məşhəd omən.

Im iclos de İroni prezident Həsən Ruhani iştirok ijən İrağ, Əfğanıstan, Suriyə, Livan, Pakiston və Bosniya və Herseqoviniya çandə məşhurə şəhidonku 300 nəfər ailəon huzuri ımruj Məşhədədə bino bıə.

Ğeyd bıkəmon ki ım iclos islam dinyoədə Məşhəd şəhri bənə mədəniyə paytəxti vıjniye bəpeştə ımsornə sori qıləy məxsusə bərnoməonku iborəte.