Bə Sepah kəşfiyot təşkilot iyən kəşfiyoti vəzorətxonə mıştərəkə iclos, İslomi İnğilobi Yolə Rəhbəri mesaj
İslomi İnğilobi Yolə Rəhbər bə Sepah kəşfiyot təşkilot iyən kəşfiyoti vəzorətxonə mıştərəkə iclos qıləy mesaj vığandışe və həmmə səthonədə bə Sepah kəşfiyot təşkilot iyən kəşfiyoti vəzorətxonə həmkoəti iyən sazış təkidış kardə.
Hicri Şəmsi 1402 minnə sori Xordadə manqi 25 minnə rujədə, Həzrəte İmom Rıza(ə)-i pokə hərəmədə, Sepah kəşfiyot təşkilot iyən kəşfiyoti vəzorətxonə mıştərəkə iclos, Rəhbəri Yolə məğomi əmron icro bey cəhətədə və 2 qılə təşkiloti həmkoti və inteqrasiya cəhəto bərpo bıə. ım iclosədə İslomi İnğilobi Yol Rəhbər Həzrəte Ayətullah Xamenei təşkiloti yol, Huccətul İslom vəlmuslemin Muhəmmədi Qolpayeqani iyən kali kişvəri və ləşqəri rəsmi şəxson iştirokışon be.
Bə İran Peres aqentiyəti raporti əsos, İnğilobi Yolə Rəhbər mesajədə ki ım iclosədə de Muhəmmədi Qolpayeqani vositə handə bıə, jıqo nıvıştə bıə: kəşfiyot məsələ kişvəri vey muhimmə məsələy və de kəşfiyoti təşkiloton rabitədə çəmə zəefonku qıləyni, ım məcmuəon miyono təfahom nıbeye.
Im mesaji dəvomədə omə: ehanə ağayon pidəşone Xıdo royədə cihod kənən, çəvon cihod ıme ki ım təfahomon həmmə səthonədə əncom bıdən.
Im mesajədə ijən omə: ımruj əqəçı ım 2 qılə təşkiloton miyono ciddi surət təfahom mucude əmmo həğiğiyə mıcohidəton ıme ki ım həmkoətion həmmə səthonədə əncom bıbu.
