Nomon ğeyd karde 3 minə ruji oxoədə 644 qılə dovtələb, İronədə bo prezident beyro ıştə nomi ğeydışon kardə, ımruj bo nomzədon nomi ğeyd kardero 4 minə ruje.
Apr 14, 2017 14:36 Asia/Tehran
-
Dovtələbiku 21 nəfər jen həm ıştə nomi ğeydışon kardə.
İroni səçın mərkəziyə kamissiya sərkatib detosə 3 minə ruji oxoədə ijən bo nomzədon nomi ğeyd karde xoto 644 nəfəri nomi ğeyd kardeku xəbəş do.
Əli Purəli Motləğ zinə elanış kardə: bə oxonə raporti əsos dovtələbon nomi ğeyd karde 3 minə ruji oxoədə 357 qılə İronıjə dovtələb bo prezidenti səçınədə bənə namzəd iştirok kardero ıştə nomi ğeydışon kardə ki qırd detosə bə ısət bə 644 nəfər rəse.
Purəli Motləğ əlovəş kardə: ım miğdor dovtələbiku 21 nəfər jen həm ıştə nomi ğeydışon kardə.
Imrujnə sıbi faxtiku həm nomzədon nomi ğeyd karde 4 minə ruj həm bino bəy ijən maştə bo namzədon nomi ğeyd karde xoto oxonə ruje.
İronədə prezidenti 12 minə dıvrə səçın de şəhron və diyon səçıni bərobər Mayə manqi 19 ədə İroni həmmə vırəonədə bərpo bəbe.
