De Həzrət Əbulfəzl Əbbas(ə) viladəti sorqardımoni mınosibəti təbrik.
Imruj 2 şanbə hicri ğəməri 1438-ə sori şəbanə manqi 4 bərobər de milady 2017 minnə sori mayə manqi 1 Həzrət Əbulfəzl Əbbas(ə) viladəti sorqardımone.
Hicri ğəməri 26-ə şəbanə manqi 4 minnə ruji Kərbəlo ələmdar iyən səğğa Ğəməre bəni haşem de Əbulfəzlı ləğəb Həzrəte Əbbas(ə) dınyo şiəyon 1 minnə imom Həzrət imom Əli(ə) avlodonku Mədinə şəhrədə bə dınyo omə.
ə Həzrəti inə Həzrət Ummulbənin bı ki Həzrət Fatimə Zəhra(s) vəfot karde bəpeştə Həzrət Əli(ə) həyat həmro be fəxrış bə dast varde.
Həzrət Əbulfəzl(ə) Aşura ğiyami ğəhrəmanətion xəlğəkə şəxsiyyəte ki dıştə ğəhrəmanəti iyən conbozəti və şəhodət zınəşe bəştə zəmonə imomi ıştə eşğ və iradəti nışon doe və jıqo həğiğəti roədə bə kəson miyonədə vəfadarəti ləyoğətinə olqo ləğəbış bə dast varde.
Həzrət Əbulfəzl Əbbas(ə) viladəti sorqardımon İron İslam Respublika təğvimədə conbozon ruj nom noə bə ironi həmmə vıronədə Həzrət Əbulfəzl Əbbas(ə) viladəti sorqardımonədə cəmaət mığəddəsə vıron məçiton iyən xiyabanonədə şoə mərasimonışon bərpo kardə.
