Pars Today

İroni səçın mərkəziyə kamissiya sədr elanış kardə: bə 56 milyono 410 həzo 234 nəfər nızi İronədə bo Mayə manqi 19 minə ruji prezidentəti və şəhr iyən diyon səçınonədə iştirok karde və sədo doero huğuği cəhətiku həxışon heste.

Əli Əsğər Əhmədi bə İrna aqentiyəti votışe: ım miğdor cəmiyətiku 1 milyono 350 həzo 294 nəfər i minə kərə bo sədo doero huğuğiyə həxonışon heste və i minə kərə İroni intixabatonədə sədo bədon.

İroni səçın mərkəziyə kamissiya sədr təsdiğış kardə: co kişvəronədə İroni sakin bıə şəhrvandon həm əqə bo sədo doero imkanışon heste karde bəznın de pasporti səçınədə iştirok bıkən.

Co qılə xəbə həm ıme ki İroni səçın mərkəziyə kamissiya informasiya texnoloqiya kamissiya sədr həm tojədən elanış kardə ki İroni 141 qılə şəhronədə səçın tam elektroniki bərpo bəbe.

Əmir Şocaan əlovəş kardə: 1041 qılə çı islamiyə şuraon namzədon de elektronikiyə təchizaton intixab bəben.

İronədə prezidentəti 12 minə dıvrə səçın de şəhron və diyon 5 minə dıvrə intixabat Mayə manqi 19 İroni həmmə vırəonədə bərpo bəbe.