Pars Today

İroni səçın mərkəziyə kamissiya əmniyyət şobə rəis təkidış kardə: İronədə omə səçın qıləy əmnə vəziyətədə ijən be ım ki əmniyyətiyə təhdidi bıbu bərpo bəbe.

İroni səçıni əmniyyət ğərorqoh rəis Husein Zolfəğari bə İrna aqentiyəti votışe: əmniyyətiyə hozzoətəti, informasiya cəhətiku əhotə, ijən məxsusə ğıvvon planon jəqo heste ki səçıni cərəyonədə harcurnə xərob əkə qrupon vey rə ijən kırtə zəmonədə de zumandəti zıne, peydo və məhv bəbın.

Çı kişvər vəzarətxanə əmniyyətiyə muavin əlovəş kardə, ımsor bə 260 həzo nəfər nızi məmur çı səçıni əmniyyəti təmin kardedən ijən hərbi və əmniyyətiyə ğıvvoni həm sərhəddonədə kamilən hozzoin.

Zolfəğari ijən votışe: səçıni əmniyyət ğərorqoh icloson de tərtibi və kamilən həmohənq təşkil bəbe ijən həmmə hərbi, kəşfiyyat, bə ğaidə-ğanun vardə onemonon iyən Tele-Rədioku nımoyəndəon ım iclosonədə huzurışon heste ta bə əmniyyəti əleyh ehtımaliyə mıvzoon vəy qətə bıbu.

İronədə prezidentəti 12 minə dıvrə, şəhr və diyon şuraon 5 minə dıvrə, ijən çand qılə şəhronədə məclis miyonə dıvrə səçınon mayə manqi 19 ədə cumə ruji bərpo bəbe.