Pars Today

De rəsmi elanon əsos, İroni ısətnə przident, Doktor Ruhani de 23 milyoniku vey sədon ujnən İronədə przident vıjniyə bıə.

Bə İroni prezidentəti 12 minə dıvrə səçıni oxonə nəticəon əsos ki İroni kişvəri vəzir Rəhmani Fəzli əy rəsmi surətədə elanış kardə, Həsən Ruhani de 23 milyono 549 həzo 616 qılə sədoon vasitə səçınədə i minə vırədə ğərorış qəte və przident bıə.

41 milyono 220 həzo 131 sədo aşmardə bıə.

İroni kişvəri vəzir əlovəş kardə: de tərtibi  Seyyed Ebrahim Rəisi 15 milyono 786 həzo 449 qılə, Mustəfa Ağa Mirsəlim 478 həzo 215 qılə və Mustəfa Haşımitəba 215 həzo 450 qılə sədoon kəsb kardəşon.

Ğeyd kəmon ki İronədə 56 milyono 410 həzo 234 nəfər huğuği cəhətiku bo sədo doero həxışon bıə ki bə istatestikaon və aşmardemoni əsos 70 faiziku vey İroni millət ım səçınədə iştirokışon kardə.