İroni məclis iyən mərhum imom Xomeyni pokə hərəmədə terroristiyə hucum bə 2 nəfəri şəhodət bois bedə.
Bə ironi islamiyə şura məclis iyən mərhum imom Xomeyni pokə hərəmi zid terroristiyə hucumon nəticədə 2 nəfər bə şəhodət rəsə.
Silahlinə odəmon ımruj sıb bənə muraciət əkə şəhrvandon sorətədə bə ironi məclisi bina daxil bedən və de məclisi muhafizə dastə dave kardən və bə çəvon tərəf qullə ğandən ki nəticədə məclisi muhafizə dastə məmoronku qıleni şəhid və çandə nəfər həm yarəjə bedən.
silahlinə şəxson klaşnikof iyən tapancəşon hest bı.
terroristonku 1 nəfər dəstqir bə.coqlə silahlinə terroriston dəstqir kardeyu məclisi ətrofədə bə xiyabanonədə əməliyat dəvomış heste.
islamiyə şura məclisi bəon ım hadisə bəpeştə bastə bə.
4 qılə silah bə dast qətə terrorist həm ımruj sıb bə mərhum imom Xomeyni pokə hərəm daxil bedən ki nəticədə 1 nəfər şəhid və 4 nəfər həm yarəjə bedən.
ım dave nəticədə intihariyə terroristonku qıleni dıştə həml əkə tıpımonə maddon tıpnedə .
hucuməkonku qıleni de polisi ğıvvon dasti kıştə bedə. və qıləy hucum əkə jen həm ki yarəjə bəbe dəstqir bedə.
mərhum imom Xomeyni hərəmiku oxonə hucum əkə xaric beədə dave bə pokə hərəmi ətrof dəkırniyə bə və əmniyyətiyə ğıvvon terroristə hucuməkon domoədə hestin.
ironi məmləkəti daxiliyə koon vəzir Əbdulrıza Rəhmani Fəzli tehronədə əmniyyəti fuğəladdə iclosi təşkil be əmrış doə.
