İroni islamiyə inğilabi yolə rəhbəri:Tehroni terroristiyə hucum ironi milləti iradəndə heç qılə problem icod əkə ni.

İroni islamiyə inğilabi yolə rəhbəri Həzrət Ayətullah Əl-uzma Xamenei tehronədə tojə terroristiyə əməliyati xoto səbəsəlomətə mesjış do və votışe:ım cinayət ironi milləti iradəndə heç qılə problem icod əkə ni.

Bə yolə rəhbəri dəftərxonə məlumatərosnə mərkəzi ımrujnə elanon əsosi ironi islamiyə inğilabi yolə rəhbəri Həzrət Ayətullah Əl-uzma Xamenei ım mesajədə  votışe: iyoni 7 nə ruji terroristiyə əməliyat mərhum həzrət imom Xomeyni pokə hərəm iyən islamiyə şura məclisədə qıləy oşkoə nışonə istikbari muzdoron kin iyən xəbisə deşmenətion de ironi şərafətinə millət iyən bə inğilab islamiyə nizom və bə mərhum imom Xomeyni aid bıə çionəndə deşmenəti kardeye.

yolə rəhbəri ım mesajədə işarəş karde jıqo cinayəton çəy əncom doəkəson iyən əmr doəkəson xəbisəti iyən qədə be nışon dodə və ım hərəkəton çəysə qədə hestin ki ironi milləti iradəndə problem icod bıkən.

inğilabi yolə rəhbəri əlavəş karde ım cinayəton ğətiyə nəticə Amerkə iyən məntəğədə çəy şərikon mincumlə ale səud rejimiku nifrəton ve be və ironi millət de vəhdət və ciddiyə iradə bə nav hərəkət bəkay.

Həzrət Ayətullah Xamenei ım mesaji oxoydə ım terroristiyə hucumi şəhidon yodış əziz qəte və yarəjəon əhvoli çok beş  Xıdavəndə xalıği dərqahko tələbış karde.

4 şanbə sıb bə İŞİD terroristiyə qrupi vabəstə bə uzvon tehronədə bə ironi islamiyə şura məclis iyən mərhum imom Xomeyni pokə hərəm təşkil doə hucumədə 17 nəfər şəhid və çandə 10 nəfər həm yarəjə bedən.