İroni Sepah aviyasiya ğıvvon fərmondə:ironi bə İŞİD mərkəzon zid rəketinə hucumi mesaj bə deşmenon rəsə.
İroni İslamiyə inğilabi sepahe pasdaranı aviyasiya ğıvvon fərmondə votışe:islamiyə inğilabi sepahe pasdaranı bə Suriyə İŞİD terroristiyə qrupi rəketinə hucumi mesaj ve çok məntəğə iyən məntəğəku bə kəno bə ironi deşmenon rəsə.
İroni islamiyə inğilabi sepahe pasdaran iyonə manqi 18 minnə ruji suriyədə təkfiriyə terroriston bə çəvon cəzo rusniye məğsədi de 6 qılə rəket Suriyə şərğ Deyrəlzur məntəğədə bə İŞİD terroristi və təkfiriyə qrupi fərmondəon mərkəz çəvon cəm bə vıron iyən bə maşinon tıpımonə maddon dəbastə mərkəzon hucumışon karde.
ironi islamiyə inğilabi sepahe pasdaran aviyasiya ğıvvon fərmondə qeneral mayor Əmir Əli Hacizadə zinə de telerədyo aqentəti təşkil doə mısohibədə əlavəş karde Suriyə deyrulzurədə islamiyə inğilabi sepahe pasdaran rəketinə hucum bə İŞİD terroristiyə qrupi mərkəzon de deşmen ironi mubarizə əkə millət şəhidə ailəon iyən tehronədə iyoni 7-ə terroristiyə hucumonku mandəkəson iyən ziyan vindəkəson tərəfiku əncum be.
iyoni 7-ə bə İŞİD terroristiyə qrupi vabəstə bə uzvon hucumədə bə ironi islamiyə şura məclis iyən mərhum imom Xomeyni pokə hərəm 18 nəfər şəhid və 52 nəfər yarəjə bedən.
ım cinayəti bəpeştə islamiyə inğilabi sepahe pasdaran elanış kardə be ki heç qılə emə bə pokə xuni be cəvob nibahaşte.
ironi islamiyə inğilabi sepahe pasdaran aviyasiya ğıvvon fərmondə işarəş karde ım rəketinə hucumədə bə İŞİD terroristiyə qrupi qonə zərbə iyən tələfat qıniyə və ım əməliyat terroriston insicam iyən vəhdətış kamilə sorətdə arəkuş bardə.
