De ğıbonə idi mınosibəti təbrik.
Imruj hicri ğəməri 1438 zilhəccə 10 bərobər de milady 2017 sentiyabri 1 ğıbonə id ya Əzha id mıslmonon yolə idonkoy.
səidə ğıbonə idə ruji ə hocion ki bə Xıdo kə ziyorət şən de xıdavəndə xalıği əmri əsosi və çəy rizo xoto ğıbon kardən və xıdavəndə xalıği yolə peyğəmbər həzrəte İbrahim(ə)xatirə bəji kardən və əy əziz qətedən.
Xıdavəndə xalığ həzrət İbrahim(ə) imon və ixlasi imtivon kardeyu bəy məmoriyətış do ki ıştə zoəhəzrət İsmail(ə) Xıdo roədə ğıbon bıkə.
həzrət İbrahim(ə) ım ko saxtəti kənoədə ilahiyə əmrış ğəbol karde və ım məmoriyəti icra kardeyu hozzı be əmmo haçəxtə hərəkətış karde çəxo çəy zoə həzrət İsmail(ə) qiş nıbıri.
eyne holədə bə həzrət İbrahim(ə) votə be ilahiyə imtivoniku səbarz biş bəvədə qıləy pəs vığandə be ta həzrət əy həzrət İsmail(ə) vırədə ğıbon bıkə.
ım dərsədə macəra fədakarəti iyən ıştə həxiku dəvarde bə nəfsaniyə həvoon ğələbə karde və xıdavəndə xalıği əmri jiyədə təslim be heste.
boçimi xoto dınyo mıslmonon həm zilhəccə 10 nə ruji bənə qıləy yol və islami əzəmətinə id əziz qətedən və çəyku ixlas və bandəti dərsi omotedən.
İron İslam Respublika telerədyo de səidə ğıbunə idi mınosibəti bə dınyo mıslmonon məxsusən tolışə həmzıvonon təbrik votedə.
