İslami əzizə peyğəmbər(s) və imom Cəfər Sadığ(ə) viladəti təbrik.
Xıdo oxonə peyğəmbər(s) Həzrət Muhəmməd Mustəfa(s) və imamət və vilayət osmoni 6 nə ruşnə Həzrət imom Cəfər Sadığ(ə) milad şəvi islamiyə İron bə novraniyyət və şoə mərasimon bərpo karde şohid be.
Imruj hicri ğəməri 1439 nə sori rəbiuləvvələ manqi 17 minnə ruj bərobər de milady 2017 dekabri 6 islami əzizə peyğəmbər Həzrət Muhəmməd Mustəfa(s) iyən imomət və vilayət osmoni 6 nə novraniyyət Həzrət imom Cəfər Sadığ(ə) bərəkətinə viladətə ruji sorəqardışe.
islamiyə ironi mıxtəlif məntəğonədə bıə cəmaət çı şiə və çı sınni məçiton kəon kuçan və dukunon təmiz iyən de pərçəm və ranq risinə ruşnə ovoni dərosteədə və şini baxş kardeədə Xıdavəndə xaliği oxonə peyğəmbər Həzrət Muhəmməd(s) səadətinə viladətışon de şoə mərasimon dəvonişone.
islami əzizə peyğəmbər(s) milad mərasimədə ironi şiə və sınniyə mıslmonon iştirak karde islamiyə omməti mahbubəti iyən vəhdət və bıvəti nışon dodə.
