Əlxəlilədə sionist rejimi cinoyəton dəvom kardedə.
Yardaniya ru ətrofədə bıə Əlxəlil şəhrədə İ Bıə Milləton Təşkilati naziron heyəti huzuri mıddəti ijən dıroz nıkarde barədə sionist rejimi ğərol Yardaniya, Tırkiyə iyən islami həmkari təşkilati reaksiyaon bois be.
Bə Əlaləm reporti əsos Yardaniya xarıci vəzir çı sionist rejimi ım ğəroli barədə votışe: Əlxəlil şəhriku İ Bıə Milləton Təşkilati naziron heyəti xaric bey vey xətərnok nəticəon bois bəbe.
Tırkiyə hakimə partiya sıxənəvot Omər Çelik həm ım ğəroli məhkum karde bəpeştə dınyo kişvəronku tələbış karde ki sionist rejimi ıştən bə sə hərəkəton vədə bemandon.
Əv təkidış kard ki Fələstinədə jıqonə qrupon huzur beynəl xalğ ğanuni çərçivədə əmniyyəti təminəkəy.
Omər Çelik votışe: Əlxəlil şəhrədə sionist rejimi tojə ğərolon, ım rejimi tərəfo xəbisə planon kəşeku hikayət kardedə.
İslami Həmkari Liqa həm Fələstini Əlxəlil şəhriku İ Bıə Milləton Təşkilati naziron ixroc karde məhkumış ka iyən bəyoniyə vasitə ım ğəroli beynəl xalğ ğanuni poymol karde çərçivədə zınəş be.
Im bəyoniyədə rə sionist rejimi təcavuzon iyən ğeyri ğanuni işğaliyə sərzəminonədə kə soxtə vəy qəte həm tələb be.
Xəbə ome ki dəvardə yanvarə manqədə sionist rejim bo ğeyri ğanuni kə soxtəro 19qılə çı Fələstin əhali təsisatonış xərobəş karde.
Ğeyd kəmon ki Netanyahu çand ruj çımiku bənav d ım bəhonə ki Fələstini Əlxəlilədə İ Bıə Milləton Təşkilati nəzorətədə heyət bə sionist rejimi əmniyyəti zid ko kardedə ım heyəti Fələstiniku ixrocış karde.
