Tosə Fələstini komilə ozodəti, həmmə dınyo məçiton bə sioniston ələyh bənə muğaviməti mərkəz bəmandon.
De sioniston vositə, mısılmonon iminnə ğıblıqo otəş jəey sorəqardışədə, İroni xarıci vəzarətxonə sıxənəvot təkidış karde: tosə Fələstini komilə ozodəti, həmmə dınyo məçiton bə sioniston ələyh bənə muğaviməti mərkəz bəmandon.
Bə İrna raporti əsos, ımruj işəmbə rujədə, Nasır Kənani qıləy Tvitterədə, nıvıştəşe: 53 sor çımi bənav, və həminə rujədə yəni Miladi 1969 minnə sori Avqustə manqi 21 minnə rujədə de sionist rejimi vositə, mısılmonon iminnə ğıblıqo yəni Məçitul Əğsa otəş jəşone və ım iminnə və oxonə Fələstini işğaləkəyon cinoyət nıbe.
İroni xarıci vəzarətxonə sıxənəvot ijən əlovəş karde: Fələstini nicoti vey yeqanə roy, muğaviməte, və Məçitul Əğsa və həmmə dınyo məçiton tosə Fələstini komilə ozodəti, bənə bə sionist rejimi ələyh muğaviməti mərkəz bə hisob bəmande.
