Cəninədə sionist rejimi cinoyəti məhkum kardeyro islomi həmkoəti təşkiloti bəyoniyə
İslomi həmkoəti təşkilot de qıləy bəyoniyə muntəşir kardey vositə 3 nəfər Fələstinıjə cıvoni şəhid kardeyədə sionist rejim ərtışi cinoyəti məhkumış kardə.
İşəmbə rujədə sionist rejimi ərtış, Cənini nezədə və qılə maşini daxılədə 3 nəfər Fələstinıjə cıvoni şəhid kardışone.
Bə Mehr aqentiyəti raporti əsos, Dışəmbə rujədə islomi həmkoəti təşkilot qıləy bəyoniyədə bə Fələstini milləti ələyh işğolçiyə qədə şəhron sakin bıə sioniston və çəvon cinoyəti de şiddətin məhkumışon kardə və ım cinoyəton məsuliyət iyən nəticəon bə sionist rejimi kabineti zınəşe.
Im təşkilot həmçınin tələbış kardə ki bə Fələstini milləti ələyh israili işğolçiyə cinoyəton be hərəkət kardeyro beynəlxalğə ictima təcili mıdoxilə bıko.
Dışəmbə rujədə həm qıləy 17 sornə Fələstinıjə cıvon həm ki zəxmin be, şəhid bıə.
