Ciddədə islomi həmkoəti təşkiloti iclosədə iştirokiro İroniku dəvət bıə
İron islom Respublika xarıci vəzir təkidış kardə: əktiv surəti, Ciddədə İslomi həmkoəti təşkiloti fovğoladə iclosədə İron iştirok peydo bəkay.
Zinə İroni xarıci vəzir Huseyn Əmirəbdullahiyan Dohaku xarıc bey bənav votışe: Ciddədə İslomi həmkoəti təşkiloti fovğoladə iclosədə iştirokiro İron İslom Respublikaku dəvət bıə və İron əctiv surət ım iclosədə iştirok bəkay.
Çımiku bənav həm İslomi həmkoəti təşkilotədə İroni nımoyəndə yoddoşt iyən ğeydi ğolibədə, de Fələstini təhəvvulaton rabitədə konstraktiv muzakirə barədə İslomi həmkoəti Təşkiloti xarıci vəziron şura zəruriyə iclosi mizbonəti cəhəto, İroni komilə hozzoəti elanış kardə be.
Bə İran Peres aqentiyəti raporti əsos, de bə Ğəzzə ələyh sionist rejimi canqi dəvomi, Huseyn Əmirəbdullahiyan Pencşəmbə rujiku ıştə məntəğəiyə səfə bino və ıştə iminnə səfərədə bə İraği kişvə şə iyən İraği iminnə vəzir və xarıci vəziri vindemoni bəpeşt bə Livan səfərış kardə.
Əmirəbdullahiyani 3minnə səfə məğsəd Suriyə be.
Əmirəbdullahiyan ım vindemonon bəpeşt bə Livan oqərdəşe və de Fələstini məsələ, Ələğsa Tufan əməliyot və sionist rejimi cinoyəton rabitədə və muğaviməti nəzəon barədə bə xarıci mediyaon soalon cəvobış do.
İjən Əmirəbdullahiyan ıştə məntəğəiyə səfə oxodə bə Ğətər şə və de ım kişvəri əmir vindemon və votımonış kardə.
