730 milyard tıməniku vey kredit bə Qiloni istehsol baxşi doə bəy.

Imsorə sori əvvəliku tosə bə ısət iyən Qilonədə istehsoləkəyon himoyətiro, 231 qılə estehsol baxşi soybon, istehsol rovnəği krediti peqətəşone.

Bə İRİB raporti əsos, Qiloni sənaye, məədən iyən ticarət təşkilati rəis votışe: Imsorə sori əvvəliku tosə bə ısət 730 milyard tıməniku vey kredit bə Qiloni 231 istehsol baxşi soybon doə bəy.

Fərhad Dəlğpuş ijən bə Tam nomo bıə plani əncom bey işorə və əlovəş karde: bo daxıli istehsoləkəyon himoyətiro 187 milyard tımən kredit bə 17 qılə səneye baxşədə bıə fabrika iyən mərkəzon doə bəy.

Əv əlovəş karde: ostani sənaye kompleksonədə 74 qılə tətil iyən behərəkətə fabrikaon zınə bıən ki bə ım baxşon problemon həlli iyən manəon peqətey xoto plan kəşəmone ki tədbiron əncom bəbe.

Qiloni sənaye, məədən iyən ticarət təşkilati rəis həmçınin bə ostani istehsoləkəyoniku himoyədorəti dəvomi təkidış karde və votışe: ımsornə sori əvvəliku tosə bə ısət 2 həzo 600 qılə muxtəlif məhsul çı Qiloni ticarət sistemədə ğeyd bıə.