Azərbaycan Respublika tərəfo harcurnə qədə xəto de İroni zumandə reaksiya dim bə dim bəbe.
Əsolımi cımə İmom votışe: əqər Azərbaycan Respublika tərəfiku qədə xətoi əncom bıbu, İron bəy ciddi iyən zumandə reaksia nışo bədoy.
Bə Mehr aqentəti raporti əsos, Huccətul İslam Vəlmuslimin Muhəmməd Cəvad Bağıri Əsolımi ım haftə cımə nımoji xotbəonədə bə Azərbaycan Respublika tərəfo tojə əncom bıə nodonə hərəkəton işorəş karde iyən votışe: tule tarixədə çəmə kişvər və məntəğə çı işğolçiyon diğğəti mərkəzədə be, iyən çəmə tarix istemori muxtəlifə hodisəon şoyd bıə.
Əv dəvardə zəmonədə iyən bə podşohon beləyoğətəti xoto çı İroni kişvəriku muxtəlifə baxşon co bey bə yodış varde və təkid kardışe: ımruj bə İroni islamiyə muğəddəsə nizomi bərəkəti xoto çəmə ərazi təmamiyət oqətə bəy.
Huccətul İslam Vəlmuslimin Bağıri əlovəş kardə: Amerkə bənə dınyo istikbor simvoli onvan ıştə həmmə səy-cəhdonku istifodə kardedə ki bə İroni inğilobi zərbə varid ko, iyən Vaşinqtoni siyosət ısət, Əfğanıston, İrağ, Suriyə və Yəməni noəmn kardey bəpeşt, bə İroni şimol ğərbə məntəğəon tərəf cəlb bıə.
Əv bə ım nuktə işorəş kardə ki Ğrəboği canq de ım bəhonə icod bıə ta Ğəfğaz məntəğədə xarıcion ıştirokiro zəminə bıbu, əlovəş karde: ım məsələ bois bıə ki Azərbaycan Respublika iyən Tırkiyə prezidenton ısət ıştə qəviku vey dıjd bıə qəpon bıjənon.
Əsolımi cımə İmom, çı Azərbaycan Respublika nodonəti və ziyodtələbətion vədə İroni səbr iyən təvazokarəti bə Buko rəsmi şəxson yod dəğandışe iyən təkidış karde: əqər Azərbaycan Respublika tərəfiku qədə xətoi əncom bıbu, İron bəy ciddi iyən zumandə reaksia nışo bədoy.
