Masal tolışə şəhri iminnə şəhidi pokə bədəni bə vətən oqarde.

41 sor intizori bə peşt, xəbə omə ki Masal tolışə şəhri iminnə şəhid, Məhmud Həsrəti pokə bədəni bəştə moəku bıə vırə yəni bə Şandırmən vardedən.

Bə Qiloni Tele-Rədio raporti əsos, Şandırmənıjə şəhid Məhmud Həsrəti pokə bədən 41 sor qin iyən niyon bey bəpeşt tojədən 8 sornə muğaddəsə mudafiyə məntəğonədə bıə mandə şəhidon bədənon nəve əməliyotədə peydo və de DNA analizi vositə zıney bıə.

Şəhid Məhmud Həsrəti hicri şəmsi 1359 minnə sor iyən 20 sorəti sinədə, İroni ğərbi canq məntəğonədə bıə Kırdıstoni Banə şəhrədə, de anti İron mınhərifə dastəon mubarizə barde əməliyotədə ıştə coni bə İroni nizomi təğdimış karde və bənə Masal tolışə şəhri iminnə şəhidi onvan məşhr be, əmmo çəy pokə bədən tosə bə ısət niyon mandə be.

Şəhid Məhmud Həsrəti mıtəhhərə bədəni dəkande və təşi mərosim maştə de İmom Rıza(ə)-i şəhodətə ruji sorəqardışi həmzəman Masal və çəy moəku bıə vırə Şandırmənədə pərpo bəbe.

Dəvardə rujonədə çandə nəfər çı Masal iyən Şandırməni əholi və rəsmi şəxson bə şəhid Məhmud Həsrəti kə iyən ailə osə ğandəşone.