Həzrəte Muhəmməd(s) sayədə vəhdət, tolışə məntəğəonədə Rəbiul-Əvvələ manqi 17 minnə ruji şoə mərosimon.
De vəhdət haftə oxonə ruji iyən Xıdo Rəsul(s) və İmom Cəfər Sadığ(ə)-i milad ruji həmzəman Tolışə məntəğəonədə bıə şiə və sınnion tərəfo şoə mərosimon ijən dəvom kardeydə.
Imruj Hicri Ğəməri 1443-ə sori Rəbiul-Əvvələ manqi 17, Xıdo oxonə Peyğəmbər Həzrət Muhəmməd(s) iyən imomət və viloyəti osmoni 6 minnə ostovə, Həzrət İmom Cəfər Sadığ(ə) vilodətə ruji sorəqardışe.
Bə həminə mısosibəti xoto zinə şəv Masal tolışə şəhrədə məxsus mərosimoni şəhidon Huseyniyə və ın şəhri məçid came vırədə bərpo be.
Imruj həm çandə dionədə əcumlə Sınqbəsti di məçid və Masali Ğiyam vujurədə Rəbiul-Əvvələ manqi 17 minnə ruji şoə mərosimon de mısılmonə cəmaəti iştiroki bərpo bəbe.
Əsolımədə həm vəhdət haftə məxsus mərosimon tojədən de rəsmi şəxson tərəfo təbrik mesaji vığande dəvom kardeydə.
Çı Tolış şəhri Sepah təşkilati fərmondə, Fərmondor iyən sərprokoror həm zinə de şəhri bəzi rəsmi şəxson bə ico sınnion nımujədə ıştirok kardışone ta ijən Tolışə xalği miyono bıə nımunə vəhdəti nışo bıdən.
Zinə həmçenin Talış şəhri muxtəlif rəsmi şəxson bə ın məntəğə sınni şəhidon ailəon osə ğandışone ta vəhdəti jintonədə bıə İroni əmniyəti təmin karde royədə çın şəhidon ailəonku ğədrdonəti kon.
Ğiloni Tolışə məntəğəonədə və de vəhdət haftə oxonə ruji iyən Xıdo Rəsul(s) iyəm İmom Cəfər Sadığ(ə)-i milad ruji həmzəman şoə mərosimon ijən dəvom kardeydə.
Sınnion rəvoyətonədə Rəbiul-əvvələ manqi 12 iyən şiəyon rəvoyətonədə həmonə manqi 17 çı Xıdo Rəsul(s) milad ruji ğeyd bıə, iyən Rəbiul-əvvələ manqi 12 tosə 17 bənə vəhdət haftə unvani ğeyd bıə.
