Ostoro İmom cımə: oxonə iğtişoşon çı mediya səvodi barzəti zərurəti nışon doydə
Ostoro İmom cımə votışe: dəvardə çandə haftə fıtnəon nışonış do sosyal kanalon və informasiyə vositəon tərəfo xəbəoni ki, pevolo bedə oqo be qıləy zərurəte.
Bə İrna jurnalisti raporti əsos Ostoro İmom cımə Huccətull İslam Muhəmməd Cəvad Bağıri votışe: qıləy məsələi ki dəvardə çandə sorədə dışmen bə çəy tərəf şəy şinaxt və zıniye canqe ta mıxotəbon mevzuon zıneədə dırst əməl nıkən.
Əv əlovəş ka dınyo imperiyalizm və çəvon sədrədə Amerkə dınyodə bə ıştə sultə domon. Bo əvon İron ya Afrikadə co qılə kişvər fərğ dodə ni hətta bə çəvon mısılmon bıe ya nıbe həm koişon ni və əqər ixtisodi və siyasi nəzəku de əvon İ roədə nıbon və çəvo mənfəton təmin nıbon jığo koon bəkan.
Ostoro İmom cımə bəyonış karde dışmenon bo milləti fiki xərob kardeyo səhih nıbə məlumat dodən ki, bə çəy əsos nıznon ğərol qəte. de ın məno ki, vaxti qıləy xəbə nəşr bedə ki, bəpe çəy əsos və təlil dırst bıbo əy ğələt bə milləti quş rosnedən.
