Qilon ostanədə 186 milyon dollar xariciyə sərmayə noe və dıvlət haftə mınosibətiyo Tolış şəhristanədə obod kardə planon təşkil karde

İroni şimal Qilan ostandari sərmayə noeku himoyə və cəzb ofisi rəis ın ostandə 186 milyon dollar xarici sərmayə noe cəzb kardeku xəbəş do

Bə Pana xəbəriyə mərkəzi avqustə manqi 22 minə ruji raporti əsos Qilon ostandari sərmayə noeku himoyə və cəzbi ofisi rəis  Seyd Əllahyar Mesbahi Qilon şərğ Əmləş bıə nomo şəhristani mığoviməti ixtisad, ko və sərmayə noə heyəti iclosdə votışe: Bə nav omə problemon miyonəku barde proqnoz bedə Qilon ostanədə xariciyə sərmayə noe ədəd 330 milyon dollarisə ve bırəso. əmo İron şimal Tolış şəhristanədə həm de İron İslam Respublikə  dıvlət 10 milyon dollariku ve sərmayə noe 94 qılə obod kardə plan bino be.

Və Tolış şəhristaniku coqılə xəbə inki bə İrna xəbəriyə mərkəzi avqustə manqi 22 minə ruji raporti əsos Tolış şəhristani fərmondor Seyd İsa Məhdəvi de ın xəbəri elan kardey votışe: həmzəman de dıvlət haftə təşkil be Tolış şəhristanədə və 85 qılə obod karde və 9 qılə stehsal və kaştıvoni plani ğolibədə 335 nəfəriyo daimi və 499 nəfəriyo ğeyri mısətğimə holətdə ko icod bəbe.

Əv ov, ruşnə, di qazi təmin karde, səhiyə, təlimiyə fəzoon icod karde iyən şəhri xidməton doeş proqnoz bə muhimmə istehsal və obod kardə planonku elanış ka.

ironi təğvimədə avqustə manqi 24 minə rujiku ta bə 30 minə ruj yəni 1 haftə dıvlət haftə unvanədə nom noə bəy.

ımsor dıvlət haftə mınosibətiyo 300 qıləsə ve varzeşi, hınə və fəhənqiyə bərnamə Tolış şəhristani baxşon, dionədə bərpo bəbe.

Tolış şəhrista de 200 həzo nəfərisə ve cəmiyyət Qilon ostani ğərbdə ğərorış heste.