Şiiə yolə alimon-101
Şiiə yolə alimon-101
Əllomə Bəhrul-Uluam bo İslaomi umməti iştimoyi məsələon iyən mıxtəlifə muşkilaton koon rəseyro və elmiyyə hovzədə qıləy nizom icod kardero,ıştə mıosirə məşhurə alimon iyən fəğihonış dəvət karde və ıştə təşəbbusinə koonış çəvon miyono təğsım kardeşe.koon jıqo mınəzzəm və bə ğaydə əsos təğsım kardey,çımi bənav çı alimon miyono jıqo dəb nıbe.de ım ko bə milləti sıvolon rəyrə cəvob doey idorə oj be və ıştə fəoliyyətış bino karde.Əllomə Bəhrul-Ulum şeyx Cəfər Kaşiful-Ğita bo fətvo doeyro mənsubış karde və şeyx Həsən Nəcəfiş bo Nəcəfi şəhri imom cəmoətış təyin karde və çı məhkəmə və ədoləti koonış bə şeyx Muhyiddin ehdəş noe və seyd Muhəmməd Cəvad Amiliş bo fiğhi kitobon təlif iyən tərtibi koş vıjniyeşe ki,çın fiğhi kitobon məhsul,məşhurə Miftahul-Kəromə kitob be.Əllommə ıştən həm bə Nəcəfi elmiyyə-hovzə elmi iyən təhsili koon rəhbərəti kardedəbe və bın sahədə ziyodə cəhdonış karde.bəçəy xoto,çı Əllomə Bəhrul-Ulumi zəmonədə bə Nəcəfi elmiyyə-hovzə vey zumand be.Əllomə Bəhrul-Ulumi dərsi məhzərədə ziyodə alimon tərbiyəş vinde,perəse.çəvon miyono bənə şeyx Cəfər Kaşiful-Ğita,seyd Muhəmməd Cəvad Amili ki,Miftahul-Kəromə kitobış nıvıştə və həmçinin şeyx Muhəmməd Təği İsfəhani bəçəş çiyedə......
Əllomə Bəhrul-Ulum İslomi mıxtəlifə elmonədə erjinə kitobonış təlif kardə ki,çəvon həmməysə muhimmə qıləyni de ın şərhiye:fiğhi sahədə yəni ibdoət iyən muamiləon zəminədə bıə erjinə kitob bıə ”Misbahul-Əhkam” və həmçinin ”Əddərruhun-Nəcəfiyyə”kitobe ki,fiğhədə qıləy erjinə mənzuməy ki,bə dı həzo bey şeri şomil beydə ki,çandə kərə təfsir iyən şərh doey bıə və coqləyni kitob “Mişkatul-Huda” kitobe ki,çı Əllomə Bəhrul-Ulumi şoqird şeyx Cəfər Kaşiful-Ğita bəştə ustodi əmri əsos bəy qıləy şərhış nıvıştə.həmçinin fiğhi iyən kəlomi mevzuonsə əlovə bənə İslomi torıxi,ricali elm,şeer və ədəbiyyoti mevzuonədə həm vey erjinə təlifatonku bə hisob omeydə.....
Seyd Bəhrul-Ulumi şeer və ədəbiyyoti sahədə qıləy fevğaladə məhorətış hestebe və çəy fiğh, usul iyən ricali boho ğeymətinə əsəronədə bıə şeeron bə yodiqpr mandə.Əllomə Bəhrul-Ulum çı fiğh iyən usuli muhim iyən mırəkkəbə bəhsonədə mohir bıə holədə,şeer və ədəbiyyotədə həm qıləy çokə zevğış bıə və nəzmi şikilədə çandə sa qılə beytonış nıvıştə.ım ko nəyinki,bə dərsi saqninə mətləbon və məfhumon rəyrə omutey boyis beydə,bəlkəm bə nışon doə bıə ım ğolibi xass və məxsusəti dəlili xoto,bə həmonə bəhson dırozə zəmononədə mandemoni həm komək kardedə.çoko ki,Seyd Bəhrul-Ulumi şeeri sahədə nıvıştə mənzuməon ijən çı elmiyyə hovzə ustod iyən tələbəon tərəfiku ğəbul bıə və bə xoş omə şeeri kolleksiyə bə hisob omeydə.
