Zəmini kurə 3 də 1 hisə de Amerkə beədolətinə sanksiyaon dimbədime
Amerkə bə co qılə kişvəron ələyh təziğ əncom doey hədəfi dollariku de əbzori istıfodə kardeyş ıştə koon 1minə dərəcədə ğərorış doə
Amerkə bə co qılə kişvəron ələyh təziğ əncom doey hədəfi dullariku de əbzori istıfodə kardeyş ıştə koon 1minə dərəcədə ğərorış doə.
Vaşinqton çandə kərə bə dollar Beynəl-Xəlğə maliyə sistemon və bankon iyən şirkəton vobəstəqiku bo tələbon ğəbul kardey kişvəron vodor kardeyo ya ə siyosəton və hərəkəton ki, Amerkə xoşış omedə ni, navi qəteyo de qıləy əbzor nomi istıfodəş kardə, ki, dəvordə soronədə ın mevzu bə mıxolifə kişvəron və Vaşinqtoni mıxolifon və rəğibə kişvəron ələyh mali iyən ticori və ixtisodiyə təziğon cəhətdə dullariku Amerkə əbzoriyə istıfodə dəvom doey navi qətey barədə bə dınyo icmo şikil qətey bois bəy.
In barədə Vaşinqton Post qəzet voteydə: sanksiyaoni ki, çandə da sor bə Simoli Koreya ələyh əncom be, zıniyəşon ni Pyo Youngi silohinə bərnomə və ğitəon miyono balestik rəketon inkişof doey navi bıqəton. Və bə Kuba və Nikaraqua ələyh həm Amerkə sanksiyaon heç təsiri inki, ın kişvəronədə de Fidel Kastro və Daniel Orteqa rəhbərəti jiyo Amerkə meyl nıbə devləton piyo nıbışe ki, əvon zəyif bıkə ya milliyə himoyəonku kam bıkə.
İroni barədə həm çandə vağt çimi bə nav Amerkə xəzinə vəzir Janet Yellen etırofış karde ki, sanqsiyaon cori ki, Amerkə İroni rəftor və siyosətdə əvəz beon icod bıey intızorış hest bı bois nıbe.
Bə Amerkə xəzinə vəzorətxonə raporti əsos kişvəroni ki, Amerkə sanksiyaon hədəf ğərorış qətə dınyo daxili xolis nıbə estehsoli 5 da 1 hisəsə veyşon bə ıştə məxsus doə və 80 fayiz ın miğdoriku Çini kişvəriye, bın holədə ın siyosət ha rujədə bə karnome bə nəzə rəsedə.
