Astanədə İroni xarıci vəziri moavin de putini nımoyəndə vindemonış kardə.
İroni xarıci vəziri ərəbi və Afriqaiyə moavin ijən bo Suriyə bohrani həl kardero çı Astanə muzakirəonədə İroni məxsusə nımoyəndə de Suriyə bohrani həl kardero Putini məxsusə nımoyəndə vindemonış kardə ijən ım mıloğatdə Suriyəku oxonə xəbəon, de terrorizm mubarizə barde, humanitarə mıvzoon ijən Suriyədə milli votımoni iclosi dəvoniyə barde suhbət iyən muzakirəş kardə.
Hussein Caberi Ənsari de Əleksander Laverntiyev vindemoni cərəyonədə çı Suriyə bohrani siyasi cəhətiku həl kardero ijən humanitarə koməkon vığande, əsiron və mardə kəson cənozə əvəz karde barde həm votımon be.
Ğərare ki bo Suriyə bohrani həl kardero çı Ğəzaxıstani Astanədə 8-nə məxsusə iclos de İron, Russiyə və Tırkiyə iştiroki ijən Suriyə bohrani həl kardero bərpo bıbu.
Çımiku bə nav 7 kərə ım iclos de İroni tədbiron bərpo bıə be.
