Əşrəf Ğəni: DAEŞ-i məğlubiyət Əfğanestanədə terroristiyə huccumon illəte.
Əfğanestani prezident ım kişvərədə tojə terroristiyə hadisə məhkum karde bəpaştə elanış kardə: DAEŞ-i terroriston çı Əfğanestani dıvlətiyə ğıvvon vədə məğlubiyəti bəpeştə ısət ıştə terroristiyə hərəkəton vey ziyod kardəşone.
Muhəmməd Əşrəf Ğəni Əfğanestanədə jıqonə vəhşiyə hərəkətonış ijən bə polis ğıvvon huccum karde muxtəlifə əməliyatonədə hərbiyəon muvəffəğiyət və çı DAEŞ-i terrorçiyon tarsiku əlomət zınəş be boçi ki de terrorizm mubarizə barde raporton əsosi zinə şəv qıləy terrorist Kabolədə polis ğıvvon idarə varid bey ıştəni tıpnişe ki 11 nəfəri kışte və 25 nəfəri zəxmin bey bois be, DAEŞ qıləy bəyoniyədə ım hadisə məsuliyəti ğəbulış kardə.
Dəvardə haftə mıddətdə Kabol və Nənqərhar ostanonədə bıə terroristiyə hadisəon nəticəku 80 nəfər Əfğanestanədə kıştə bıən.
Bə millət və Əfğaniyə koşınason vindemoni əsos, İŞİD çı Amerkə və Ali Səud tərəfiku pesoxtə bıə terroristiyə qrupe ki ısət Əfğanestanədə cəmaəti ğətliam kardən.
