Kərbəloədə Ayətullah Sistani nımoyəndə terror karde əməliyat məğlub be.
Kərbəlo ostandar ım şəhrədə bıə bə Ayətullah Sistani məxsusə nımoyəndə terroristiyə həmlə məhkum karde ım məğlub bıə terroristiyə həmlə İraği milləti miyono de tojə fitnəon icod karde bə i vırə zınəş be.
Bə İrib raporti əsos Kərbəlo ostandar Əğil Əltərihi votışe: Bə Şeyx Əbdolməhdi Kərbəloei terroristiyə həmlə ki bım haftə cumə nımoji xotbəon cərəyonədə bino be çəy hədəf İraği milləti dılədə təfrəğə soxte be.
Kərbəloədə Ayətullah Sistani məxsusə nımoyəndə Şeyx Əbdulməhdi Kərbəloei ofis və aparati həm elanış kardə ki ım həmlə amil bə qıləy mınhərif bıə cərəyanon vabəstə be ki məğlub mandə.
Ğeyd kəmon ki ım i minə kərə be ki Kərbəlo və Nəcəf ostanonədə bə ım aliyə mərcə təğlidi qıləy nımoyəndəon əleyh jıqonə terroristiyə həmləon əncom bıdə.
Qıləy şərayetədə ki İrağədə DAEŞ-i hestemon məhv be əmmo hələ həm bəzi terroristiyə qrupon əcumlə DAEŞ-i mande amilon İraği muxtəlifə vırəonədə qədə huzurışone ijən bəzi faxton jıqo ıştəni nışo dodən.
