İroni xarıci vəzarətxanə Ərəb Liqa tojə iclosi bəyoniyə məhkumış kardə.

Bə Ərəb Liqa tojə iclosi bəyoniyə reaksiya nışo doe xoto İroni xarıci vəzarətxanə sıxənəvot co kişvəron daxıli mıvzoonədə mıdoxilə nıkarde çı İroni daemiyə siyasət elanış kardə iyən bəyoniyədə bə İroni zidd ğeyd bıə maddon rəddış kardə.

Bə ımrujnə raporti əsos Bəhram Ğasımi Ərəbistonədə bıə Ərəb Liqa tojə iclosi bəyoniyədə dərc bıə baxşonku ıştə təəsufi elan kardəvə votışe: ım bəyoniyə həm bənə co bəyoniyəon bə İroni əley be təsir iyən puçə ittihamonku iborət be iyən sabit kardə ki Ərəb Liqa ijən həxi əvəzi bə insirofə roon tərəf hərəkət kardedə.

İroni xarıci vəzarətxanə sıxənəvot təsdiğ kardə: bo məntəğədə stabil vəziyəti icod karde ijən no oromə şərayeti illəti peydo kardero bə ım iclos vey omidvar bimon. əmmo Səudi Ərəbistoni nıfoz çı iclosi oxonə bəyoniyə maddonədə kamilən oşko be.

Ğasımi Fars dıyoədə 3 qılə iddiyo bıə cəzirəon çı İroni sərzəmin və cəzirə zınəş be iyən cənubi hamsoyə kişvəron tikroriyə iddiyoon be foydə və be əsos zınəş be və əvvoş İroni daxıli koonədə mıdoxilə karde misdağ zınəş be və məhkumış kardə.

İroni xarıci vəzarətxanə sıxənəvot əlovəş kardə: İron hejo bənə dəvardə dıvrəon bə hamsuyə kişvəron ehtırom kardedə ijən intizorış heste ki əvon həm yande kişvəri daxıli məsələonədə mıdoxilə nıkun boçi ki İron bə fakton, əloğə, əğl və votımoni əsos məntəğədə bohranon həl karde sahədə siyasəton dəvom dodə.

Ərəb Liqa ıştə tojə iclosi oxonə bəyoniyədə İronış mıttəhəm kardə ki beynəl xalğ ğanuni arşiyə sayədə bə Yəməni Hosion siloh dodə.

Im bəyoniyədə ki Ərəbiston xarıci vəzir əy handə: ijən Ərəb Liqa Fars dınyoədə bıə çı İroni 3 qılə cəzirəon xıvand bey barədə be əsosə ittiham və sıxənonış bəyon kardə.