Sionist rejimi ərtış mıştərəkə ğıvvon ğərorqoh rəis de Həmas təşkilati rəsmi şəxson təhdid karde votışe: bo sionist rejimi əmniyyəti təmin kardey xoto Ğəzzədə bəbe canq dəvom peydo bıkə.

Qadi Ayzenkot bə Həmas təşkilati rəkıtiyə hevujə cəvob cənubi sərhədədə ım rejimi həmləonvədə əlovəş karde: çəmə əsqəron və hərbion zumandə huzur karde bəzne İsraili bohranonku kam bıkə.

Tojədən sionist rejimi cənub cəhbədə qıləy fərmondə Hertsi Levi həm Ğəzzəku rəkıt ğande iyən sərhədədə cəmaəti etıroz aksiyaon qıləy muhimmə bohran zınəş be və votışe: bə Ğəzzə əhali əleyh saxtə band nomo hərbiyə əməliyati dəvom doe lozime.

Çımiku bə nav sionist rejimi daxıli əmnoyyət vəzir Kelad Aradan həm Həmas Təşkilati  lideron terror karde ijən bino kardeku xəbəş doe be.

Dəvardə haftəku sionist rejimi ciddi təhdidon de Həmas və Fələstin milləti tojə dıvardə mığoviməti bino bey həmzəman vey ziyod  bıə.

2014-nə soriku sionist rejimi saxtə band nomo bıə hərbiyə əməliyati nəticəku Ğəzzədə bə 2300 nəfər nezi şəhid, 11 həzo nəfər zəxmin iyən 76 faiz umumiyə vırəon xərob bəbe.