Çı Pakistoni Taliban qrupi sərkərdə bə həlokət rəsə.
Pakistoni mediyaon zinə ruji çı Talibani Təhrik qrupi sərkərdə Molla Fəzlullah bə həlokət rəsəyku xəbəşon do.
Pakistoni Tribun Eksperes təhlili-xəbəiyə sayt zinə şəv ım kişvəri Taliban qrupi sərkərdə Molla Fəzlullah bə həlokət rəsey təsdığ və elanış karde: Əfğanıstoni şimol şərğədə Amerkə be pilotə təyyarəon həmləonədə Molla Fəzlullah kıştə bəy.
Bə Pakistoni Pişavər hərbi məktəb terroristiyə hucum ki çandə cəmaəti kışte və zəxmin bey bois be ijən bə Xeybər Pəxtunxah ştati unniversiti xuninə həmlədə Molla Fəzlullah dıxolət və rolış be.
Pakiston elanış kardə: dəvardə 2 sori mıddətədə ım kişvəri ərtışi de terroristiyə əməliyaton zumandə mubarizə barde vasitə, veyni terroriston əcumlə Molla Fəzlullah məcbur bən ki ım kişvəri tərq və Əfğanıstonədə məxfi bıbun.
Əmmo Əfğanıston, Pakistanış bə ım kişvərədə fəalə terroristiyə qruponku himoyə karde mıttəhəm kardeə iyən jıqo bovəş heste ki Pakiston de ğəsd və hədəf Əfğanıstonədə kali terroristiyə qruponku himoyədorəti kardedə, əmmo Pakistoni rəsmi şəxon ım mıvzoro rəd kardən.
