Yəməni Ənsarullah: Ərəbiston və İ Bıə Ərəb Əmirətiədə çimiku bəpeştə hiç əmnə məntəğə peydo nibəbe.
Yəməni Ənsarullah hərəkati siyosəton mıəyyənəkə şura uzv təkidış kardə: de diğğət bə Yəməni ğıvvon rəket və bepilotə təyyorəon ğudrət ki bə Ərəbiston və İ Bıə Ərəb Əmirəti həmmə natiyə təsisot və siyosiyə mərkəzon həmlə karde ğabeliyətşone, çimiku bəpeştə ım kişvəronədə hiç əmnə məntəğə nibəmande.
Bə Telerədio aqentiyəti zinə raporti əsos, Yəməni Ənsarullah hərəkati siyosəton mıəyyənəkə şura uzv Ebrahim Əddeyləmi de İroni Telerədio 2 kanali "be mərz" nomo bərnomə sohbətədə, bə Ərəbiston və İ Bıə Ərəb Əmirətiədə bıə xarıci şirkəton xəbədorətiş do və votışe: ım 2 qılə kişvərədə bıə xarıci sərmoyənoə şirkəton həm çı Yəməni Ənsarullah rəketonku əmonədə nin.
Yəməni Ənsarullah hərəkati siyosəton mıəyyənəkə şura uzv de təkid bə ım ki Yəmənədə insoniyə faciə cərəyonədəy, izhorış kardə: bəşə həxon himoyəkə təşkilaton mıtləğə sukutədə ıştə çəşi ım cinoyəton vədə bastəşone.
Əv ijən Yəmənədə İ Bıə Milləton Təşkilati fəaliyətonış tənğid kardə və votışe: ım təşkilati nımoyəndəon Yəməni məzlumə milləti əvzi təcavuzkoronku himoyə kardedən.
Yəməni Ənsarullah hərəkati siyosəton mıəyyənəkə şura uzv çı Ərəbiston və Amerkə iddion reaksiya nışoş do iyən Yəməni rəketon, İroni tərəfiku təmin bey be əsos sohbəton barədə, izhorış kardə: jıqo sohbəton dırıst nin boçi ki əvon çı Yəməni milləti vədə məğlub bey bovə karde tov varde əzı nin.
Əv de təkid bə ım ki Yəməni milləti bə həmmə dınyo sobotış karde ki karde bəzne ıştə kanə rəketon modern və obtimal karde bəzne, əlovəş kardə: Yəməni millət hərbi təziğonədə karde zınəşone bə ım sahədə muhimmə inkişofion bırəsin.
Yəmənədə 2015-nə sori Martiku Ərəbiston və İ Bıə Ərəb Əmirəti canqtələbion de hərbi təcavuz bino bıə ki ta ım zəmon 14 həzo nəfəriku vey Yəmənıjon kışte, dahon həzo nəfər zəxmin bey və çand milyonon nəfəri avarəti bois bıə.
