Caberi Ənsari: Suriyə avarəon bəştə kişvər ovbəqarden.
Suriyə məsələ barədə İroni ali muzakirə əkə votışe: Soçi iclosədə Suriyə avarəon çoknə oqarde barədə məxsusə kamissiya fəaliyət de muğaviləon təsdiğ karde bino bıə.
Bə İrna raporti əsos Hussein Caberi Ənsari zinə Suçi iclosi bəpeştə əlovəş karde: ım i minə kərə be ki Suriyə barədə muzakirəon çərçivədə Suriyə avarəon barədə sohbət be.
Caberi Ənsari, Suriyə ərtış və muğavimət qrupon səbarzətionış tojə muzakirəonədə avarəon bə Suriyə oqarde imkoni barədə sohbət karde amil zınəş be.
Əv təsdiğış karde: ım məsələ Suriyə sulh muzakirəon iyən de beynəl xalğ təşkilaton həmkari karde sayədə hoston bəbe.
Caberi Ənsari de Tas Oros aqentiyəti mısohibə cərəyonədə həm Suriyədə İroni huzuri de Suriyə dıvləti rəsmi tələbon qıləy ğanuni huzur zınəş be ki çəy dəvom bə 2 qılə kişvəri miyono təvafuğ iyən nəzəri vabəstəy.
Suriyə barədə Suçiədə zinə 10-nə iclosi oxoyədə mıəyyən bıə ki omə iclos omə manq Cenovraədə bərpo bıbu.
