Ərəb Liqa 4 tərəfiyə kamissiya be əsosə bəyoniyə.
İroni xarıci vəziri sıxənəvot Ərəb Liqa 4 tərəfiyə kamissiya tojə bəyoniyəş be əsos və qıləy be foydə cəhd məntəğə və dınyoədə canq icod karde və terrorizmiku himoyədorti karde barədə umum iştimaiyəti fikon mınhərif karde xoto zınəş be.
Bəhram Ğasımi jıqo anti İron hərəkətonış əv həm de Sentiyabrə manqi yonzə minə ruji terroristiyə hadisə ki bəzi məntəğə kişvəron şəhrvandon çı amilonku bıə nı məhkumış karde və əlovəş ka: Yəmənədə həmonə kişvəron vironəkə təcavuz anədə stajış nıbıə insoniyə faciəon bə vıcudış barədə ki çand milyon be qınohə cəmaəti vəşyanti, noxşəti, avarəti və fəğirəti bois bıə.
Əv təsdiğış karde: jıqonə şərayetədə bə Yəmən təcavuzəkəyon bə ım cinoyət diğğət karde əvəzi de bəzi yolə kişvəron himoyə iyən beynəl xalğ qrup və təşkilaton sukuti, ijən bəştə mısibət icudəkə səhvə rəftoron isror kardedən.
Ğasımi bəyonış karde ki İron hejo xatircəməkə siyasəton, mıtəğabil ehtırom və stabilə vəziyəti sayədə de hamsoyə kişvəron əloğəon tələb kardedə iyən votışe: İron saxtə şəroyetədə de hhamsoyə dıvləton tələbi, çəvon kənoədə mandəşe.
Ğasımi bə ım kişvəron tosiyəş karde ki be nəticə hərəkəton əvəzi, məntəğə kişvəron miyono votımon, həmkari və muzakirə barədə bə İroni plan və tələb diğğət bıkən və çokə cəvob bıdən.
Ərəb təşkilati 4 tərəfiyə kamissiya de Ərəbiston, Misr, Bəhreyn və İ Bıə Ərəb Əmirəti ko iborət bıə kişvəron tojədən Ğahirədə İroni bə Suriyə vəziyəti bə yandeje mıttəhəm kardeşone.
