İroni islamiyə şura məclesi məxsusə məslehətçi İrağədə Ayətullah Sistani və Şeyx İsa Ğasımi tojə vindemoni bə Ale Xəlifə hukumət vey ciddi mesaj hisobış karde.

Bəhreyni şiəyon lider Şeyx İsa Ğasım zinə 50 sori bəpeştə bə Nəcəf Əşrəf varid be iyən şiəyon i minə İmom Həzrəte İmom Əli(ə) pokə hərəmi ziyorətış karde.

Bə Bəhreyni Əlvefağ hərəkati elani əsos, Ayətullah Şeyx İsa Ğasım, Nəcəfədə de İraği ali mərce təğlid Ayətullah Sistani vindemon karde islam dınyo və məntəğə mıvzoon barədə sohbət kardışe.

Beynəl xalğ mıvzoon barədə İroni islamiyə şura məclesi məxsusə məslehətçi Husein Əmir Əbdullahiyan ıştə Twitter mesajədə ım vindemoni bo məntəğə vey muhimm, oşko iyən çokə mesaji vığande zınəş be.

Əv votışe: bəpe rə Bəhreyni milləti kışte iyən ım kişvəri hukuməti tərəfo bə sioniston xoş xidməti karde bə oxo bırəsi.