Deyruzurədə bıə Amerkə koalisiya cinoyət; hədeəğəl 10 nəfər çı Suriyə ğəyri hərbion kıştə bıən.
Suriyə məhəliyə mənbəon elanışon karde: Suriyə şərğ Deyruzuri ətrofədə Amerkə tərəfo rəhbərəti bıə məsələn de İŞİD mubarizə barde nomo bıə koalisiya təyyorəon həmədə vositə, hədeəğəl 10 nəfər kıştə bıən.
Bə Suriyə rəsmi aqentiyəti raporti əsos; Amerkə tərəfo rəhbərəti bıə məsələn de İŞİD mubarizə barde nomo bıə bıə koalisiya təyyorəon, zinə əsr Deyruzuri ətrof Əlkəşkiyə diədə bə qıləy məskoniyə kə həmləşon kardə ki ım hadisədə 10 nəfər əcumlə 4 nəfər Suriyə hırdənon kıştə bıən.
Pencşambə şəvədə həm Amerkə koalisiya hərbi təyarəon Deyruzur nezədə bə Əşşəəfə məntə həmlə iyən 11 nəfər Suriyə şəhrvandon kıştışone .
Suriyə bəşər həxon mərkəz dəvardə çoşəmbə ıştə raportədə elanış kardə: Amerkə pesoxtə bıə koalisiya dəvardə sorədə(2018) Suriyədə 417 ğeyri hərbi əcumlə 175 nəfər hırdən və 90 nəfər jenış kıştə.
Amerkə və çəy şərikon 2014 minə sori de İŞİD terroristiyə qrupi mubarizə barde nomo, i bıə milləton təşkilatiku bə kəno və de Suriyə dıvlət məslehət nıkarde qıləy koalisiya təşkilışon do.
Detosə ısət ım koalisiya bombardemoni nəticəku Reğğə, Deyruzur, Həskə və Hələb ostanonədə vey beqınohə şəhrvandon ğətliam və Suriyəədə vironəon icod karde bois bıə.
Suriyə dıvlət çand kərə İ Bıə Milləton Təşkilat və Əmniyyət Şura rəisonku de vığandə bıə məktubon tələbış kardə ki Suriyədə bə Amerkə koalisiya ım cinoyəton oxo bıdə, ım məsələ detosə ım zəmon beynəl xalğiyə təşkilaton tərəfo de sulkuti dim bə dim bıə.
