Məntəğə təhəvolaton barədə Suriyə səfir iyən İroni Yolə Rəhbəri mışovıri miyono vindemon.
Zinə Tehronədə İroni Yolə Rəhbəri məslehətçi de Suriyə səfir vindemon və məntəğə təhəvolaton barədə sohbətış ka.
Im vindemoni əsliyə mehvər Suriyə Colan bandiyə məntəğə barədə Trampi tojə ğərol be.
Amerkə prezident tojədən Suriyə Colan işğal bıə məntəğə çı sionist rejimi zəmin hisobış karde.
İronədə Suriyə səfir Ədnan Məhmod ım hərəkəti çı Amerkə təcavuzkaranə sima və əbrazi nışonəş be ki əmələn hakımiyyət və ərazi təmamiyyət ijən məntəğə və muğavimət cəhbə təhdid kardedə.
Beynəl xalğ sahədə İroni Yolə Rəhbəri məslehətçi Əli Əkbər Velayəti həm ım vindemonədə bə İron və Suriyə miyono stratejik əloğəon işorəş karde iyən Amerkə və sionist rejimi tojə ğəroli barədə və votışe: Latin Amerkə, Avropa, Afriqa iyən Asiyadə Amerkə jıqonə zalımanə siyasəton çəy bə təcridış bois bıə ki ısət umum iştimaiyət və dınyo dıvlətonədə Amerkə zəifəti nışonəon oşko bıə.
Əv Amerkə dıvləti jıqonə hərəkətonış beynəl xalğ və məntəğə iyən daxilədə Amerkə bıhranon puşniyə bəhonə və co tərəf sionist rejimi bevəcə vəzyəti nışonə zınəş be.
Əli Əkbər Velayəti təkidış karde: muğavimət cəhbə dəvardə zəmoniku vey zumand bə oxonə səbarzəti tərəf hərəkət kardedə.
