Çı İŞİD-i uzvon bə Samərra şəhri varid bey əməliyot məğlub bıə.

Zinə İraği şimal Səlahuddin ostanədə çı İŞİD terroristiyə qrupi uzvon bə Samərra şəhri varid bey əməliyot de Həşdu-Şəbi ğıvvon muğaviməti məğlub bıə.

Bə Əlaləm raporti əsos İraği dovtələb i bemon hərbiyə qrup (Həşdu-Şəbi) muvəffəğ bıən İŞİD-i vey qəte kənoədə çandə çı qrupi terrorçiyon həlok bıkən.

Qılə holədə ki İrağədə rəsmən DAEŞ terroristiyə qrup məğlub bıə əmmo ım qrupiku çandə uzvon muxtəlif məntəğəonədə və jıqo qədə hərəkəton əncom dodən.

İŞİD terroristiyə qrup 2014ədə de Amerkə və Amerkə mıttəfiğon koməki və bə İrağ həmlə karde vasitə çandə cinoyəton bois be; peşo İrağ İroniku tələbış karde ta de terrorizm mubarizə barədə cərəyonədə bə Bəğdad komək bıkə.

İraği ğlvvon de İroni komək, 2017-nə sori Noyabri 17 de Ələnbar ostanədə bıə Reavə şəhri ozod karde əmələn İrağədə İŞİD-i məhvışon karde.