Suriyədə otəş sə karde xoto bə roziyəti ome.

Çı Suriyə həmməy hərbiyə ğıvvon sər ğərorqo, çın kişvəri həmməy məntəğonədə, canqiyə hərəkəton iyən otəş sə karde xoto bə roziyəti omeku xəbəş do.

Bə SANA Agentiyəti raporti əsos, Suriyə həmməy hərbiyə ğıvvon sər ğərorqo, Dekabri 29-nə ruji bəyaniyədə xəbəş doə ki, dekabri 30-nə rujiku kişvərədə həmməy hərbi hərəkəton və əməliyəton sə karde bəbe, əmmo bə DAEŞ və co terroriston zidd canq karde hejo dəvom pəydo bəkay.

Suriyə həmməy hərbiyə ğıvvon sər ğərorqo təkidış kardə ki, Suriyədə otəş sə kardeku hədəf, bo Suriyə bohrani həl karde xoto siyasi votımonon zəminə hozzo karde heste.

Rusiyə prezident, Vladimir Putin həm elanış kardə ki, Suriyədə otəş sə karde barədə roziyətion bə dast omən və ısət ım kişvərədə bo sulh votımonon bino karde xoto məydon hozzo heste.

Əv votışe: Suriyədə bıə çı mıxolifə dastəon nımoyəndəon və devləti miyono otəş sə karde xoto roziyətion bə dast omən və Rusiyə həm bə otəş sə karde cərəyani nəzorət karde xoto sənədon imzoş kardə.

Im bə roziyəti ome qıləy vəziyətədə bə dast omə ki, çı Suriyə Hələb şəhr bə 5 sor nezi işğal bey bəpeştə, tojədən terroristonku ozod be və ım yolə səbarzəti i tərəf bo Suriyədə bıə terrorçiyon və bə çəvonku himoyədoron qıləy məğlubiyət be, və co tərəfo siyasi vəziyəti əvəzış kardə.