Səudiyyə Ərəbıstonı həvoiyə hucum bə yəmənı mıxtəlif məntəğon.
Jan 04, 2017 13:34 Asia/Tehran
Səudiyyə Ərəbıstonı təcavuzkaron hucumədə bə yəmənı mıxtəlif məntəğon 16 qılə yəmənıjə şəhrvand kıştə və çandə nəfər həm yarəjə bedən.
Bə Əlaləm TV kanali zinə xəbon əsosi Səudiyyə Ərəbıstonı hərbiyə təyyarəon hucumədə bə Sədə iyən Mareb ostanon ve şiddətin bə və səudion Sədə ostanədə bə ğeyre hərbion zid kaset bombaonku istifadəşon kardə.
Səudiyyə Ərəbıstoni hərbiyə təyyarəon həmçinin yəmənı cənub ğərb Təez ostanədə çandə qılə bina xərobə kardən.
yəmənıjə ğıvvon həm bə Səudiyyə Ərəbıstoni hucumon cəvob doeyu Təez ostanədə bə çəvon mərkəz hucum kardən və yəmənı cənub Şəboh ostani qıləy baxşi bəştə dast qətedən.
bə rəsə xəbon əsosi çandə da qılə səudiyə muzdor yəmənı Şəboh ostanı Bihan məntəğədə bə həlokət rəsən.
