İrağədə əmniyyət və oroməti əleyh bıə hərəkəton məhkum kardənine.

İroni xarıci vəzarətxonə sıxənəvot İrağədə rujə əqətə Həşduş-şəəbi uzvon şəhodəti ki İŞİD terroristiyə qrupi tojə cinoyəton vasitə əncom be məhkumış karde.

Seyed Əbbas Musəvi bə DAEŞİ ım cinoyət ki rujəmoədə əncom be işorə və votışe: de terrorizm mubarizə barde iyən ım kişvərədə sulh və əmniyyəti bərpo karde xoto İraği həmmə səy-cəhdon İroni tərəfo himoyədorəti bıdə.

İroni xarıci vəzarətxonə sıxənəvot de İraği illət ıştə həmdardi elanış karde və umidvar be ki İrağ vey rə de həmdeləti və mucahidət DAEŞ terroristiyə qrupi şəriku xilos bıbu.

İrağiku xəbə ome ki İraği Ələnbar ostanədə DAEŞ-i məhv kardey xoto əməliyaton de 2-nə rəməzon nomi bino be. Həşduş-şəəbi həm zinə Səlaheddin ostanədə DAEŞ-i həmləon məğlub və 4 qılə terroristi həlokış karde. DAEŞ zinə bə Kərbəlo həm həmlə karde və ğəsdış be ki Həşduş-şəəbi çəy faxtədə bıə əməliyoti çəvon təcavuz məğlub mandey. DAEŞ-i terrorçiyon həmçınin zinə Diyali ostanədə bə qıləy polis idarə həmləşon karde; ım həmlədə İraği 3 qılə hərbi kıştə bıən.

İrağədə tojə noəmnə vəziyət bois be ki İraği məclesi yol kişvəri əmniyyəti planonədə ijən diyə karde tələbko.

İraği vey rəsmi şəxson, tojə dıvrə noəmnionədə bə xarıci kişvəron xusosi Amerkə və Ərəbistoni təhrik iyən lenqə rizəon işorə və təsdiğ kardən.