İraği şiə mərcəyyətiku ğədrdonəti karde zəruriyyət.

Mosol ozodəti əməliyati sorəqardışədə iyən de İŞİD mubarizə barde xoto cihod fətvo sadir bey həmzəman Mustəfa Əlkazımi İraği şiə mərcəyyəti ım tədbiri qıləy muhimmə hərəkət zınəş be və ijən Həşduş-Şəəbi muğavimət hərəkəton bə təğdiri loyiğ bə hisobış varde.

İraği i minə vəzir ım kişvərədə de İŞİD mubarizə barde cərəyanədə həmmə mıttəfiğ və dust kişvəronku həm ğədrdontiş karde.

Zinə həmçınin İraği Həşduş-Şəəbi təşkilati rəis həm İraği millət və hərbiçiyon miyono vəhdət icod karde cərəyanədə bə şiə mərceəti rol təkidış karde.

Faleh Əlfəyaz Mosuli ozodəti sorəqardışədə iyən qıləy bəyaniyədə DAEŞ-i məhv karde muvəffəğiyətədə bə Ayətullah Sistani fətva əhəmiyyət işorəş karde.

Anti İŞİD əməliyaton dəvomədə həm xəbə ome ki İroni sərhəddon ətrofədə bıə DAEŞ-i uzvon zıne və məhv karde dəvom kardedə.