Zərif: Tramp ıştə dıvləti oxonə rujonədə bıə harcurnə macəra əsoxtə koon nəticə məsuliyəti bəpe ğəbul ko.

Bə Amerkə prezidenti anti İron ittihomon reaksiya nışo doe xoto İroni xarıci vəzir votışe: Amerkə ısətnə dıvləti oxonə rujonədə bıə harcurnə macəra əsoxtə koon nəticə məsuliyəti Trampi qiədəy.

Bə İrib raporti əsos, İroni xarıci vəzir Muhəmməd Cəvad Zərif ıştə zinə ruji Tuvitter mesajədə Trampi anti İron iddio barədə votışe: Amerkə prezident qələy be erjə iyən əe əsosə şikiliku anti İron ittihomon xoto ıstifodə kardeydə.

Zərif təkidış karde: çimi bənav həm Amerkə de kallektiv kıştey silahon bəhonə Asiya Ğərb məntəğəş vırt-vıloş karde iyən de 7 tirilyon dollari bə hədərə doe fəğət 58976 nəfər çı Amerkəvıjonku tələfoti bois be.

İroni xarıci vəzir təkidış karde: əm kərə vəziyət vey qıvonin bəbe, Tramp ıştə dıvləti oxonə rujonədə bıə harcurnə macəra əsoxtə koon nəticə məsuliyəti bəpe ğəbul ko.

Amerkə prezident Donald Tramp zinə ıştə Tuvitter səhifədə be ım ki zumandə dəlil ya xot sənədi nışo bıdə fəğət de çand qılə be nışonə qədə rəketon şikili nəşr doe İronış bə Bəğdadədə bıə Amerkə səfarətxonə rəket həmlədə işterak və mudaxiləon mıttəhəm karde.