Bə Həcci rujon xoto İroni Yolə Rəhbəri mesaj.
Bə həcci rujon xoto Həzrət Ayətullah Xamenei de qıləy mesaji vositə Xıdo kə mehmonətiədə iştirok kardeədə aşiğə dılon həsrəti dəvomi, qıləy dəvardəninə imtivon bə hisobış varde və bə həcci mesajon kam ranq nıbey zəruriyəti təkid karde votışe ki təcavuzkarə ğudrəton əcumlə Amerkə vədə muğavimət karde əcumlə ın barzə mesajon nəticə bə hisobış varde.
Ə Həzrət bə İslam dınyoədə bıə problemon iyən bevəcə vəziyəton işarə karde kənoədə, muğavimət prinsipon səpo bey xususi Fələstin, Yəmən iyən İrağədə oğoətiş çı islami məntəğə umud əbaxşə həğiğət bə hisob varde iyən təkidış karde: bə mucahidon komək karde çı İlahi sadiğə vəədəy iyən ın mucahidəti i minnə təsir islami kişvəronədə Amerkə iyən co zalimə kişvəron mıdoxiləon vəy qəteye.
İroni Yolə Rəhbəri mesaj jığo iborət be:
بسم الله الرّحمن الرّحیم
والحمدلله ربّ العالمین و صلّی الله علی محمّد و آله الطّاهرین و صحبه المنتجبین و مَن تَبِعهم بِاحسان الی یوم الدّین.
Dınyoədə bıvə iyən hovə mıslmonon!
Imsor həm islami ummət həc əzəmətinə nemətiku mhrum bıən iyən aşiğə dılon de oh-nolə qələy mıhtərəmə kədə mehmonəti ki həkim iyən rəhimə Xıdo bo cəmaəti icodış kardə çı dastiku doəşone.
In 2-ə sor bəbe ki həc şoəkə mərosimi zəmon bə coəti və həsrəti zəmon əvəz bıdə iyən pandemik noxəşəti bəlo, və şayəd həm şərifə hərəmədə bıə hakimə siyasəton bəlo, muminə aşiğə dılon çı İslami umməti mənəviyət, əzəmət iyən vəhdət simvolon vindeyku məhromış karde iyən ın barz və əzəmətinə bandi de pardə və avə puşneydə.
In bənə islami umməti co imtivonone ki karde bəzne vey nurani tale bois bebu, muhim ıme ki həc ıştə həğiği zotədə çı həmməy mısılmonon dıl və conədə bəji bımando və ısət ki əmələdə və mıvəğğət surəti mərosimon dəvoniye imkan ni çəy barz iyən ali mesaj və peyğon kam ranğ və zəif nıbu.
Həc, sir iyən rəmziku pur bıə ibodəte. Çəy dılədə bıə sakinəti və hərəkəton saxt iyən ğəşənqə tərkib, çı mısılmonon iyən mısılmonə iştimaeiyəti şəxsiyəti icodəkə iyən dıyo çəşi vədə çəy ğəşənqion nımoyişədədy. I tərəf de bəme, təvazokarəti iyən zikri həmmə bandəon dılon bə mənəviyət meraci bəbarde iyən bə Xıdo nız bəkay və co tərəf de vahidə olət iyən həmohənqə hərəkəti, dınyo 4 tərəfiku cəm bıə bıvəon miyono rabitə bərğəror kardeydə, və co tərəf islami umməti vey barzə simvoli de çəy həmməy sir və rəmzış bıə mərosimon dınyo çəşi vədə ğəror bədoy ta ın umməti iradə iyən əzəməti bə dınyo bədxahon iyən dışmenon nışobıdə.
Imsor ehtırominə həc çəmə dastrəsədə ni əmmo bə xıdo kə soib, zikr, xıdo vədə təvazukarəti, Xıdo dərqahədə təzərru iyən istiğfori çəmə dast rəseydə, Ərəfotədə ıştiroki imkon ni əmmo Ərəfə ruji dıvoonədə bə mərifəti əlovə əkə dıvoon iyən munacati dast peydo karde bəbe, Minaədə şəytoni diyəro karde iyən rəmy meydon hozzı ni əmmo həmmə vırəonədə ğudrət tələbə şəytononku diyəro bey və əvoni bə kəno noe imkanış heste, Kəbə dıvrədə bədənon vahidə iştiroki imkon ni əmmo Kərimə Ğıroni ruşinə ayəon ətrofədə vahidə huzur iyən bə Xıdo rismoni çanq jey daimə vəzifə iyən məsuliyəte.
Əmə ki bənə islami tərəfdaron çı əzəmətinə cəmiyət, hevujə sərzəmin, həddış nıbıə təəbii sərvəton iyən aqah və bəjiyə millətonımon xıvandimon, bəpe dıştə ixtiorədə bıə çion və mumkinə şərayeti, ıştə tale təin kəmon. Dəvardə 150 sori mıddətədə mıslmonə milləton ıştə kişvər və dıvləton sərnıvıştədə rolışon bəni və sıvoy çand qılə kamə kişvəron tam de ğərbi təcavuzkarə ğərbi dıvləton mudiriyət bıən iyən çəvon təməkarəti, mıdoxilə iyən dışmənətion jintonədə bin. vey kişvəronədə bıə elmi bə dumo mandey iyən siyasi cəhəto vabəstəti həmonə izolasiya iyən beləyoğətəti nəticəy. Çəmə milləton, çəmə cıvonon, çəmə elitaon, çəmə dini alimon, iştimaii ruşin fikon, siyasi odəmon, partiaon iyən çəmə cəmiyəton ımruj bəpe həmonə befəxr iyən behəyoə dəvardəyon cubran kon, çəy əvəzi bekarde fikədə bıbun. bəpe bımandon iyən çı ğrbi ğudrəton zuvote, mıdoxilə iyən dışmonə hərəkəton vədə muğavimət kon.
Çı İron İslam Respublika həmməy sıxanon ki istikbor dınyoş niqəron iyən ğəyzin kardə, bə həminə muğaviməti dəvət kardeye: Amrkə iyən diqər təcavuzkarə ğudrəton mıdoxilə və dışmonə hərəkəton vədə muğavimət iyən bə islami təlimon təkyə karde holədə islam dınyo tale mudiriyəti dastədə qəte.
Təbiie ki Amerkə və çəy mıttəfiğon muğaviməti vədə həssos bıbun, iyən de islami muğavimət cəhbə çı muxtəlif cəhəto dışmonəti kardedən. de əvon bə ico bıə bəzi məntəğə kişvəron həmkarəti həm qıləy telə həğiğəte ki həmonə dışmənətion dəvom doe cəhətədəy.
Həmonə serate-mustəğin ki həc, səy, təvof, ərəfot, cəmərat, iyən həci co mərosimon, əzəmət və vəhdət bə mə nışo doydə, bə Xıdo təvəkkul karde, bə İlahi məvh nıbıə ğudrəti diğğət doe, bə milli bovəmandəti, bə səy-cəhdon iyən mucahidəton etemo karde, bo hərəkətiro zumandə irodə iyən bə səbarzəti rəseyro veyə umud heste.
İslami məntəğədə bıə məydoni həğiğəton bə ın umu əlovə ksardə və həmonə iradəon zumand bəkay. i tərəf islam dınyoədə bıə bevəcə şərayet, elmi cəhəto bə dumo mande, siyasi vabəstəti iyən iştimai və iğtisodi norohətəkə vəziyət əməni qıləy yolə ko və onıqınyə mucahidəti vədə ğəror doydə, işğal bıə Fələstin əməno bo koməki vanq kardedə, məzlum və bə xun aludə bıə Yəmən dılon dojnedə, Əfğanistonədə mısibəton həmmə kəson niqəron kardedə, İrağ, Suriyə, Livan iyən bəzi diqər islami kişvəronədə bıə hodisəon ki de Amerkə və çəy mıttəfiğon ojə-oşkorə mıdoxilə iyən dışmonəti dasti vositə əncom bıdə cıvonon ğəryət iyən hımıcımi rost kardedə, və co tərəf ın həssosə məntəğədə muğavimət prinsipon səpo və rost bey, milləton aqahəti iyən hərorətinə cıvonə nəsli ənqizə umudiku dılon pur bəkarde. Fələstini həmmə baxşonədə Ğudsi şimşi rost bıdə, Ğuds, Ğəzzə, ğərbi sahil, 48 nomo sərzəminon iyən lagerdon həmmə rost bıdən iyən 12 ruji mıddətədə təcavuzkatə dışmoni vini bə zəmin moledən, coyli iyən mihosirədə bıə Yəmən 7 sor rəhmış nıbıə dışmoni tərəfo icbor bıə məzlum kışte, mıhosirə, canq iyən cinoyəti tov vardedə, və de xorək, dəvo-damon iyən jimon imkanaton nırəse zu tətbiğ kardə kəson vədə təslim nibəbın və dıştə təşəbbusi iyən iğtidori əvoni sərosimə iyən mıtəccib kardən.İrağədə muğavimət qrupon de ojə-oşkorə sədo, işğolçiyə Amerkə və de çəy dasti icod bıə DAEŞ-i bə dumo pekırnedən iyən Amerkə və çəy mıttəfiğon tərəfo bıə dışmonəti iyən mıdoxiləon vəy qəteyro ıştə ciddi irodəon betərs ibroz kardedən.
İrağ, Suriyə. Livan və co kişvəronədə muğavimət unsuron iyən ğəyrətmandə cıvonon əməl, tələb iyən iradəon təhrif karde və əy bə İron ya co mərcəon nisbət doero Amerkə təbliği cəhd, bə ın şuca iyən aqahə cıvonon ihonət karde mənodəy və nışo doydə ki Amerkə ın məntəğə millətonku dırist və səhihə dərk iyən famemonış ni.
Həmin nodırıstə dərk bois bıə ki əvon Əfğanistonədə təhğir və beabru bıbun iyən 20 sor bənav bıə jəğo ğilo-ğaləkə daxil bey iyən anədə be pənohə millət iyən ğeyri hərbi cəmaəti vədə siloh, bomba iyən otəşiku istifodə kardey ıştəni batlağədə his karde jintonədə ıştə ğıvvon iyən hərbi təchizton çəyku xaric kon. həlbətə Əfğanistoni aqahə millət bəpe ıştə məmləkətədə bıə Amerkə kəşfiyot əbzar və namə canqi silohonku mığət bıbun və çəy vədə huşin bımandon.
Məntəğə milləton nışo doəşone ki huşin iyən aqahin və çəon roy iyən əğidə bəzi dıvlətonku ki həto Fələstin həyoti iyən muhimmə məsələ barədəAmerkə nəzə cəlb kardeyro bə çəy tələbon tan dodən coe. dıvlətoni ki oşko iyən məxfi de sionist ışğalçiyə rejimo dustiyəti hənəkədə dəboxte holədən yəni Fələstin milləti həxi ıştə torixi sərzəminədə inkor karde holədən. əvon bə ıştə sərzəmini təbii sərmoyəon ğarət bey rozi bə nin iyən Fələstin milləti sərmoyəon həm ğarət kardedən.
Bıvəon iyən hovəon!
Çəmə məntəğə iyən çəy muxtəlifə rə bıə hodisəon çı dərs iyən ibrət nımoyişqohe, itərəf zu tətbiğ kardə təcavuzkaron vədə muğavimət iyən mucahidətonku icod bıə ğudrət və co tərəf təslim iyən zəiifəti izhor karde və çəy icbor bıə çion tov varde nəticədə xar-zəlil bey.
Bə Xıdo roədə bıə mucahirdon komək karde çı İlahi sadiğə vəədəy, اِن تَنصُرُوا اللهَ یَنصُرکُم وَ یُثَبِّت اَقدامَکُم(Muhhəmməd surə 7-ə ayə ibaxş). həminə mucahidəti i minnə təsir, islami kişvəronədə Amerkə və co beynəlxalğ zalimon mıdoxilə iyən dışmonə hərəkəton vəy qəteye, İnşaƏllah.
Bə mıslmonə milləton koməki mıtəolə xıdoku tələb kardəm iyən bə Həzrət Bəğiyətəlah ərvahona fəda(əc) səlom vottıəm iyən Pərvərdiqori bo bozorqvarə İmom Xomeyni və şəhidonro ali dərəcə iyən vırə tələb kardəm.
Seyd Ali Xamenei
والسّلام علی عباد الله الصّالحین
Hecri şəmsi 1400-ə sori Tir manqi 26
Hicri ğəməri 1442-ə sori Zil-Həccə manqi 6
