Suriyə iyən İrağədə Tırkiyə beğanunə hərbi əməliyaton dəvom peydo bəkarde.
Tırkiyə milli əmniyət şura bə Suriyə iyən İrağədə Tırkiyə hərbi əməliyaton dəvomi təkidış karde.
Tırkiyə ərtış təğribən 2 sor bəbe ki de terrorizm mubarizə bardey bəhonə bə Suriyə və İraği şimol məntəğəon həmlə kardedə, ın qıle holədəy ki İrağədə bıə kırdon çı Tirkiyə həmləonədə əsli zərəl-ziyon vində kəsonin.
Əmmo Tırkiyə iddio kardeydə ki ın əməliyoton de terrorizm mubarizə bardey çərçivədəy iyən PKK kırdə qurup həm qıləy terroristi qurupe.
Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.
In həmləon nəticədə çandə çı İrağ və Suriyə ğeyri hərbi kırdon avarə bıən.
40 sor bəbe ki Tırkiyə iyən PKK qurupi miyono daveon dəvom kardedə.
