40 həzo ironıjə zair bə həci ziyorət bəşen.
Həc iyən ziyorət koonədə bıə İroni Yolə Rəhbəri nımoyəndə 40 həzo ironıjə zairi bə İbrohimi həci vəğandeyku xəbəş do.
Bə İRİB raporti əsos, huccətul islom vəl muslemin Sey Əbdul Fəttah Nəvvob Ğomədə de mərcəe təğlidon Ayətullah Nasir Məkarim Şirazi, Ayətullah Huseyn Nuri Həmedani iyən Ayətullah Cəfər Sobhani vindemoni cərəyonədə ımsor 39600 nəfər ironıjə zair bə həci ziyorət vığandeyku xəbəş do.
Əv həminə vindemonədə bə Ərəbistoni tərəfo bo İron 45 faiz səhmiyə iyən 65 sor sinniku bəji bıə məhdudiyəton elan bey işorəş karde və votışe: ın miğdor səhmiyə iyən ğeyd bıə məhdudiyəton barədə ıştə isloh nəzəon bə Ərəbiston elan bıə ki hələ çəvon cəvobi çəş kardedəmon.
Jığo elan bıə ki bə Ərəbiston çı İroni tərəfo təyyorəon i minnə pəre Mordadə manqi 7 yəni təğribən 3 manq bə diğə əncom bəbe.
Korona pandemiya bəpeşt ımsor i minnə sor bəbe ki Həc fərizə jığo umumi surəti bərpo bəbe ki Ərəbistoni tərəfo saxtə məhdudiyətoni elan bıə.
