İrağədə anti sionist rejimi təsdiğ bıə loyihə.
İrağədə qıləy anti israil ğanut təsdiğ bıə ki bə çəy əsos de sionist rejimi əloğə oqəte bənə cinoyəti zıney bıdə.
İraği parlament mayə manqi 26 de sionist rejimi əloğə bəğəror kardey bənə cinoyətə koy bə hisobış varde.
Həminə ğanuniku vey muhimmə baxş ıme ki de sionist rejimi harcurnə siyasi, əmniyəti, iğtisodi, texniki, mədəni, varzeşi və elmi həmkarion bənə cinoyəti zeney bıdə.
Bə həminə raporti əsos, hə minə loyihə rəsmən de İraği parlamenti nımoyəndəon sədo təsdığ bıə.
Bə İsna aqentiyəti raporti əsos, tojədən İrağədə bıə İroni səfir Muhəmməd Kazim Alesadiğ zinə qıləy Tvitter mesajədə həminə ğanuni təsdiği bənə İraği milləti torixi mıvğiyət qətey simvoli bə hisobış varde ki islam umməti ısətnə həssasə mərhələdə çı milləti fəxrin iyən şucaə funqsiyaon nışonəy.
Əv rəsmən həminə İraği parlamentədə anti israil ğanuni təsdiğ bey bə iyən de sionist rejimi əloğə oqəte bənə cinoyəti zıney ğəroli bə İraği millət və dıvləti təbrik votışe.
