2 tərəfi əloğəon inkişofiro İron iyən İraği xarıci vəziron miyono votımonon.

İron iyən İraği xarıci vəziron Tehron-Bəğdadi miyono 2 tərəfi həmkarion inkişof və ozavziye ijən İron və İraği zairon səfəron hoston kardey barədə de yande votımon kardışone.

Bə İsna aqentiyəti raporti əsos, zinə və telefoniyə votımonədə, İroni xarıci koon vəzir, Husein Əmir Əbdullahiyan de İraği xarıci koon vəzir Fuad Husein votımonış kardə iyən Tehron- Bəğdadi 2tərəfiyə rabitəon hevujəti iyən 2 qılə kişvəri zairon səfəri barədə ıştə nəzəon iyən sıxənon bəyon kardışone.

Im telefoniyə sıhbətonədə, İron iyən İraği xarıci koon vəziron, bə tojədən İraği i minnə vəziri bə Tehron səfəri təvafuğon icra bey işorəşon kardən, ım təvafuğon əcumlə dini və məzhəbi mınosibəton xususi Ərbəine Huseini mınosibəti barədə İron və İraği zairon ziyorəti hoston kardey be, ki həmonə vindemononədə ğəror bıə be bə ım ko bə vırə rosniye  iyən 2tərəfiyə rabitəon hevujəti diğğət bıbu.

Əmir Əbdullahiyan ərəfə rujədə, İroni zairon səfəri əncom doeyro və Ərbəine Huseini rujədə İroni zairon həmohənqiro, İraği cəhdon və koməkonku ğədrdonətiş karde. həmçınin İraği tərəfiku həcci mənasekon vey çok əncom doey, İroni hacion bə Ərəbiston vığandeyro, İrağ kişvəri koməkonku təşəkkurış karde.

İroni Xarıci koon vəzir həmçınin de İraği koon vəzir, İroni hacion tojədən bə həcc vığandey barədə votımonış kardə və umidış do ki tojədən de korona şəroyeti həmohənq, İroni hacion bə həc vığandey şəroyeti icod bıbu.

Im telefoniyə sıhbətonədə, İraği xarıci koon vəzir həm bə ərəfə, ərbəin iyən həcci mənasekon hoston əncom doey koməkon dəvomi ıştə hozzoəti elanış karde iyən Ərbəini ziyorəti çok surət bərpo beyro, bə lozimə zəminəon icod bey vey təkidış karde.

Fuad Husein təkidış karde, İraği dıvlət ıştə həmmə cəhdon əncom bədoy ta Ərbəine Huseini mərosim har çəxtə əzəmətin surət bərpo bıbu, iyən zairon səfər həm hoston bıbu.